Museum Sepedha Velorama, Nijmegen Belanda

Tulisan ini adalah versi unedited artikel yang saya tulis untuk majalah berbahasa Jawa Panjebar Semangat, dan dimuat di Edisi 8, tanggal 21 Februari 2015. 

cover majalah PS paling grezzzzz.....Museum Sepedha Velorama Nijmegen BelandaBelanda ora mung kawentar merga kembang tulip, kincir angin, utawa keju-ne. Negeri sing luas wilayah-e ora nganti separone Pulau Jawa iki uga kondang merga masyarakat-e gemar bersepeda. Sepeda, utawa basa Landa-ne ‘fiets’ (diserap nang Basa Jawa dadi ‘pit’) dinggo kegiatan sehari-hari; mangkat mulih nyambut gawe, sekolah, belanja, nganti nggo ater-ater barang kaya Pizza lan Burger. Tukang Pos nang Belanda uga isih nganggo sepeda, kaya nang Indonesia tahun 1980-an.  Cacahe sepeda nang negara sing tau njajah Indonesia iki dipercaya luwih akeh tinimbang jumlah penduduke dhewe. Ora  gumun, Negara Kerajaan iki nyandang julukan the World’s Bike Capital, utawa Ibukota Sepeda Sedunia.

Merek-merek sepeda nang Belanda macem-macem kaya Gazelle, Fongers, Simplex lan Batavus. Merek-merek kuwi nang Indonesia dadi inceran kolektor. Samsaya tua sepeda samsaya larang regane. Ning Negeri Belanda dhewe merek-merek sing kasebat  mau ana sing isih bertahan, ananging akeh uga sing wis suwe ora produksi, utawane tutup usaha. Merek Gazelle lan Batavus misale, isih diproduksi lan dadi tumpakane uwong nganti saiki. Fongers, Junckers, Simplex wis ora diproduksi.

Dasar negara sepeda, nang Negeri Belanda uga ditemoni museum sing khusus nyimpen aneka kendaraan sing dikenal bebas polusi lan agawe sehat sing nganggo iki. Museum kuwi diwenehi jeneng Velorama. Panggone? nang Nijmegen, kota ora patia gede nang Provinsi Gelderland, Belanda sisih wetan. Saka Amsterdam, kutha sing ora patia dikenal nang Indonesia iki isa ditempuh numpak kereta api cepat kira-kira 1,5 jam perjalanan.

Nang museum sing ngadep Kali Waal (Waal Rivier) iki, uwong isa mempelajari sejarah sepeda wiwit awal arupa sketsa nang alam pikiran Leonardo Da Vinci nganti perkembangan sepeda terkini. Cacahe koleksi sing dipamerke nang museum iki luwih saka 200 iji. Jumlah samono mung kira-kira sapertelon sing diduweni museum, amarga akeh koleksi lan keterbatasan ruang. Penulis nyekseni dhewe koleksi-koleksi mau disimpen nang gudang  numpuk lan nggunung. Ora mung sepeda roda 2, sepeda roda 3 uga 4 uga dadi koleksine. Museum Velorama dibagi 3 lantai, lantai dasar dinggo nyimpen koleksi sing paling tua, tambah dhuwur lantai-ne koleksine tambah anyar.

Kajaba cacahe sing akeh, rupa-rupa sepeda sing dipamerke uga unik. Antarane sepeda merek Fongers model dames (putri) werna ireng sing tau dinggo Ratu Wilhelmina lan Ratu Juliana. Uga ana koleksi unik lan bersejarah arupa sepeda balap merek Gazelle sing  nate dinggo  Tour de France werna putih. Sepeda kuwi nate tiba nang jurang lan kondisine wis peyok. Liyane? sepeda sing tau dinggo keliling dunia salah sijining pengembara, uga dipamerke nang musium iki lengkap apa anane termasuk tas ransel lan aneka perlengkapan sing pating grandul nang sepeda. Sepeda nggo cah enom sing ana radione lan sepeda sing rangkane digawe saka pring utawane bambu ana uga dipamerke.

Ditakoni pira cacahe merek sepeda nang Belanda, pengelola museum aweh katrangan nek merek sepeda gaweyan Belanda luwih saka 2000. Ananging sing kondang pancen ora akeh. Nang kalangan penggemar sepeda tua Belanda, kajaba merek-merek sing wis kasebut nang dhuwur mau uga ana merek liyane sing dikenal mlebu 10 besar yaiku Sparta, Burgers, Union, Phoenix, lan Magneet. “Merek-merek liyane kaya Adek, Veeno, Junckers, Locomotief ya apik, ning mungkin merga promosine kurang dadi ora patia dikenal”, jarene pengelola museum kuwi mau.

Salah sijining pengunjung dina kuwi jenenge Theo van Kalleveen (29). Theo sing  taun 2013-2014 nyepeda saka Belanda tekan Indonesia iki ngaku terkesan banget karo koleksine Velorama. “Aku tau mlebu museum kaya ngene nang negara liya, ning ora selengkap iki”, kandhane bujang sing cukup fasih ngomong Bahasa Indonesia iki. Theo uga nambahke  nek museum iki aweh pengetahuan akeh banget tumrap dheweke. “Nang kene sepeda tua sing durung mengenal rantai nganti sing digerakkan karo motor tambahan ana kabeh. Uga sepeda sing isa dibongkar pasang, sepeda sing desain-e lucu kaya Donal Bebek, sepeda sing didesain nggo tentara lan keperluan perang, nganti becak khas Indonesia ana kabeh” jarene kanti mimik serius.

Kanggo mlebu museum iki, uwong kudu mbayr 5 EURO, utawa nek dirupiahke sekitar 75-80 ribu rupiah. Jumlah samono pancen ora sithik, ananging ora sebanding karo pengetahuan sing  isa dipelajari. Nek wis kesel nonton aneka koleksi museum, uwong isa ngaso  nang kafe ning jrone museum sing didesain serba sepeda.

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s